Ефектите од незаинтересираноста на Владата и на МВР за пронаоѓање на сторителите на нападот на ЛГБТ центарот во Старата скопска чаршија, се понатамошно насилство и охрабрување на насилниците, реагираат претставниците на Хелсиншкиот комитет.
-Го повикуваме МВР да превземат брза и ефетивна истрага и да ги пронајдат насилниците бидејќи не смее да се случи да дојде до посериозни жртви, изјави Уранија Пировска, извршен директор на Хелсиншкиот Комитет за човекови права.
-Министерката Јанкуловска и премиерот Груевски го девалвираат концептот за човекови права и затоа сметаме дека Владата во Македонија е должна веднаш да одговори на повиците на меѓународните организации и европските пратеници и да застане во одбрана на човековите права, вели Славчо Димитров од ЛГБТ центарот.
МВР ги превзема сите неоходни мерки, обезбедени се снимки од местото на нападот, ова е одговорот на МВР по повод прес конференцијата која се одржа пред вратите на МВР.