Х.Е.Р.А и Коалицијата Маргини денеска преку соопштение реагираат на процесот на донесувањето на Сеопфатната стратегија за образованието 2018-2025.
Нивната загриженост е во однос на акцискиот план, непрепознавањето на аспектите поврзани со недискриминација и силеџиство по основ на род, сексуална ориентација, родов идентитет и воведување на сеопфатното сексуално образование како основна мисија на работење на овие организации .
-И покрај тоа што и Х.Е.Р.А. и Коалицијата Маргини потпишаа меморандуми за соработка со МОН и дополнително бевме вклучени во поднесување коментари и предлози за унапредување на стратегијата од аспект на ревизија на наставни планови и учебници, воведување на сексуално образование и преземање мерки за превенција и заштита од насилство и силеџиство (bulling) во училиштата, ниту една од нашите сугестии не беа земени предвид во финалната верзија од Стратегијата… Вака организираниот процес на донесување на овој важен стратешки документ ги урива принципите на транспарентност и партиципативност, особено на активна вклученост на граѓанските организации во донесувањето на важни општествени промени во образованиот систем, се вели во соопштението.
Дополнително потенцираат дека се обврзуваат да бидат вклучите во ревизијата на наставните планови, програми и учебници со цел да се осигураме дека нема да содржат дискриминација по кој било основ, ќе ја промовираат еднаквоста и правата на жените и на ЛГБТИ луѓето.
-Дали неприфаќањето на нашите забелешки значи дека Министерството во наредните 8 години нема намера да преземе активности во насока на превенција и заштита од насилство и силеџиство засновано на род, сексуална ориентација и родов идентитет во училиштата? Дали ова значи дека нема да преземете чекори во насока на воведување на сеопфатно сексуално образование, а при ревизијата на учебниците нема да водите сметка за дискриминаторските содржини кон жените и ЛГБТИ луѓето?!, истакнуваат во соопштението.
Здрженијата се надеваат дека МОН ќе преземе поголема одговорност и заложба да почнат ефективно да се реализираат бидејќи нивната целе да да се подобри образование на младите за нивната сексуалност и човековите и сексуалните права што ќе придонесе до поголема демократизација на општеството и почитување на различностите, како и поттик на индивидуален и колективен развој.