Пред речиси 79.000 навивачи на стадионот „Маракана“, домаќинот-организатор на Купот на Конфедерациите, Бразил, е старо-новиот шампион победувајќи ја Шпанија со 3:0.
Фред, Нејмар, Фред стоеше на семафорот каде што се пишуваат стрелците на погодоците. Шпанскиот дефанзивец Серхио Рамос имаше прилика да го запише и своето име, но промаши пенал за Шпанија во 55 минута при резултат 3:0 за Бразил.
Бразил одигра дисциплиран фудбал и во првото и во второто полувреме и статистички беа подобри од селекцијата на Шпанија. Во 68 минута пак, шпанецот Пике доби црвен картон.
„Беа секако подобри, мораме да им честитаме“, изјави по натпреварот селекторот на Шпанија, Висенте дел Боске.
Во натпреварот што се одигра за трето место, Италија на пенали ја совлада репрезентацијата на Уругвај со вкупни 3-2 по промашувањата на Форлан, Касерес и Валтер Гаргањо.
За Најдобар фудбалер на турнирот беше прогласен бразилецот Нејмар, Златна копачка за најдобар стрелец му беше доделена на напаѓачот на Шпанија, Фернандо Торес, додека признанието Најдобар голман му припадна на голманот на Бразил, Жулио Цезар.