Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Хиените кои кружат околу Катица и Боки 13

0
By Биљана Секуловска on November 23, 2019 ВЕСТИ
СПОДЕЛИ
Facebook Twitter LinkedIn Email
Published: Saturday, November 23, 2019 10:00

Приказната за Катица Јанева и Боки 13 е тажна приказна на ова време кое го живееме.

Тоа е некаква поголема приказна на хиените, која сите ние и не ја знаеме- во кои тие двајцата и не се главните ликови, дури и не успеале да избегаат од канџите на тие хиени, со кои земјава се накоти. Оние алчни, грабливи и притаени хиени, кои растргнуваат пред себе сè што ќе намирисаат дека би можело да биде податен плен, откако ќе ја расплетаат мрежата и ги чекаат заинтересираните клиенти еден по еден, чекор по чекор, истрајно, трпеливо, во пријатна несоница.

Подоцна на сцена доаѓаат вешто одбраните, несреќните ликови како Јанева и Боки, свесно вмешани секако, но дали и докрај несвесни за сопствената улога на примамливи жртви, кои мирисаат на свежа крв преточена во заводливиот мирис на парите и моќта.

Или можеби некому му изгледа поверојатно другото сценарио- во кое двајцата се согласиле да бидат дел од големата игра- дури и да се жртвуваат самите себе, за широкограда отштета, но за повисоки цели кои хиените ги имале- да се разниша политичкиот естаблишмент, кој безглаво би итал кон пропаста, можеби. Картата е таа на која се игра, тоа е единствено сигурно- политичките челници да се идентификуваат токму со оваа афера, сеедно дали има докази или не- за некаква допирна точка со коруптивните и криминални зделки.

И каква штета, подоцна и никому не му е ни малку жал, ниту чувствува горчина, ниту некаква тага, кога ја гледа Јанева на снимките и сликите како мора да биде понижена до крај. Маскирана сосема, заробена со лисици кои не можат да се видат од марамата заврзана врз нив, изгубена и уништена потполно. Благодарејќи на нашата хиенска природа, само на анималните нагони кои ги водат овие времиња.

Вториот ден, после приведувањето во куќен протвор, после сите шпекулации и лажни вести дека тоа и не била воопшто Јанева, затоа што и не се наѕираше нејзиниот лик, ниту како едвај видлив обрис, мора докрај да следува ново понижување. Сликана од некој друг балкон веројатно, како седи на ниско столче, пуши цигара и гледа некаде со празен поглед, задлабочена, изгубена, којзнае колку сомелена.

Затоа и ни станува премногу жал пред сè за самите нас, за онаа носталгија на нашите изгубени времиња, за оние времиња кога марширавме за неа, и за нас, повторно. Во таа наша жал сега таа не влегува воопшто, и затоа жалта станува уште поголема за сите нас, вклучувајќи ја неа, исклучувајќи ги хиените, од кои никој и не може да нè оттргне, барем засега.

На некој километар повеќе, седи и тој- нејзиниот веќе не така свеж, но се уште осамен другар, со кратка кариера на нејзин ортак, Боки, зад решетките, и чека некакво минимално ослободување. Барем еднаква казна, каква што таа доби- домашен притвор, со секојдневно надгледување и веројатно будно снимање, кое ќе продолжи по она балконското, првичното.

Веројатно има причина зошто тој не може да биде пуштен исто така дома, претпоставувам е голема и сериозна, но, сепак. Опасноста од евентуално бегство веќе и не ни натежнува, после она на Груевски- после неговото, навистина ниту еден апсурд не може да нè заболи така сериозно и длабоко.

Пуштањето на Јанева, колку и да создало бес и лутина кај обвинителката Русковска веројатно не може да смени ништо повеќе и подраматично во оваа земја, која повеќе не може да преживее без мирисот на свежа крв.

Ние толку многу се навикнавме на тоа одурно смрдење на лепливоста на таа крв, толку станавме зависни од одвратноста во која навиваме да живееме, што понекогаш изгледаме дека ни е сеедно која е целосната вистина зад таа приказна на хиените со кои сме опкружени.

Но, сепак, она што најмногу ни треба е точната приказна- што навистина се случило тој ден- кога тие двајца, Јанева и Боки првпат се запознаваат. Некој некому се јавува за тоа да се случи, да им се сретнат погледите и да си пружат рака, или можеби сè е случајност, непланирана и секако дури и можна, но, зарем е тоа навистина така?

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.