Хилари Клинтон очигледно се подготвува да биде претседателски кандидат, велат првите читатели на нејзината книга излезена деновиве во САД под наслов “Тежок избор”.
Во неа Клинтон ги раскажува деновите на нејзиниот ангажман како министер за надворешни работи на САД од 2008 до 2013 година. Но со многу детали таа раскажува впечатоци од средбите со државниците со кои работела. Во текот на нејзиниот ангажман таа патувала во 112 земји.
Така, Никола Саркози е џентлмен и обожува да ја раскажува приказни за своите колеги од други земји, Ангела Меркел ја носи цела Европа на рамо а Владимир Путин е студен како мраз.
“Најголемиот број државници се мирни и во работата но и во приватниот живот. Но не и Саркози. Во приватните разговори тој е уште потеатрален и позабавен”, пишува Клинтон. Тој раскажува афери за неговите колеги и ги опишува со многу ноншалатност. За некои велел дека “се луди или инвалиди, еден од нив бил “луд дрогираш”, друг имал армија која не знаела да се бори а трет бил потомок на стара фамилија насилници”, вели Клинтон но додава дека секогаш, и покрај својата веселост, бил џентлмен.
Опис има и за Меркел. Таа има темперамент кој е сосема спротивен на тој на Саркози. Клинтон ја покажува својата воодушевеност од оваа жена која е “одлучна, снаодлива, директна. (…) Не можете да не бидете воодушевени од нејзината железна одлучност. Како што реков во 2012 година, таа ја носи целата тежина на Европа на своите рамења”.
Во книгата Клинтон зборува и за непријателите на САД како Иранецот Махмуд Ахмадинеџат кој е “воинствен петел кој парадира на меѓународната сцена”.
А Путин “иритира и е автократ”, повеќе заинтересиран за заштитата на тигрите во Сибир отколку на меѓународните трговски преговори. Во книгата Клинтон раскажува една анегдота: Путин и доверил една многу лична приказна на Клинтон. По Втората светска војна таткото на Путин се вратил од фронт и кај себе нашол брдо лешеви од каде што ја извлекол својата сопруга и ја реанимирал. “За мене оваа приказна дава впечаток за тоа каков станал човекот Путин и за земјата која ја води”, вели Клинтон.
Книгата е полна со детали и многу фотографии. Во неа можат да се прочитаат кулисите на разбрануваните преговори помеѓу Саркози и партнерите од НАТО пред почетокот на воената интервенција во Либија во 2011 година. Според неа, францускиот претседател сакал да интервенира за да и даде нов имиџ на Франција по проблемите во туниската револуција и со тоа предизвикал лутина кај сојузниците кога им најавил дека француските авиони се на пат кон Либија. “Тоа предизвика вистинска бура”, вели таа.
Во книгата нема детали за балканските лидери ниту пак од единствената средба во 2011 година со Груевски во Вашингтон која не беше официјална туку работна.
За својата претседателска кандидатура таа вели дека нема да се изјасни се до 2015 година поради тоа што сака да помогне за парламентарните избори на есен а потоа планира да се одмори и да ги анализира своите лоши и добри потези.