Првите резултати за безбедноста на лекот Диане 35 Eвропската агенција за лекови ќе ги соопшти за три месеци по состанокот на Комитетот за проценка на ризик кој ќе се одржи од 13 до 16 мај. Тогаш ќе се знае дали препораките за ставање во промет на овој лек ќе останат исти, ќе се променат или ќе се укинат во интерес на сите пациенти во Европската унија.
Во отчекување на исходот, на девојките кои веќе го примаат лекот им се препорачува да не ја прекинуваат терапијата , но доколку им с е јават здравствени проблеми да го известат својот лекар.
Европската агенција за лекови официјално започна истрага и за третата и четвртата генерација таблети за контрацепција кои во себе ги содржат следните супстанци: хлормадиноне, десогестрел, диеногестрел, диеногест, дроспиренон, етоногестрел, гестодене, номегестроол, норелгестромин и норгестимате.
Европската агенција за лекови на ваков чекор се одлучи откако, француската регулаторна агенција за лекови ја забрани употребата на лекот Диане 35 во наредните три месеци. Иако овој лек во Франција е регистриран за лекување на акни, забележена е неговата широка употреба како срество за контрацепција. Токму долготрајната употреба на лекот може да предизика венска и артериска тромбоза предупредуваат фармаколозите.
И Кувајтскот министертво за здравство ја забрани употребата на овој лек во сите државни и приватни здравствени установи. Како што пишува Кувајт тајмс лекот може да се користи само под медицински надзор и тоа на одерден период, за лекување на хормонални пореметувања и зголемено растење на влакна кај девојчињата.
Инаку, во изминатите години во Франција од овој лек починале пет девојки, а за уште три случаи се испитува причината за смртта. Во Македонското биро за лекови смируваат дека лекот што кај нас се применува скоро 20 години, е безбеден за употреба и досега не предизвикал несакана реакција.