Во 3 часот и 30 минути по полноќ сепак беа исечени на дрвјата во строгиот Центар на Скопје, наспроти хотелот Бристол.
По синоќешниот инцидент, кога граѓаните ги уриваа оградите, за да не дозволат почеток на работите, отстранување на зеленилото и дрвата, во раните утрински часови, со силно полициско обезбедување, се исечени дрвјата.
Синоќа, граѓаните изјавуваа дека “ја земаме правдата во свои раце и го браниме нашиот граѓански интерес и права, кога повиканите не го прават тоа за нас” – со овие зборови жителите на општина Центар од зградите во околината каде треба да се гради катна гаража објаснуваа зошто ги рушат тарабите.
Откако утрово не можеа да го спречат сечењето на дрвјата, попладнево жителите повторно се собраа и почнаа сами да ги уриваат металните тараби. Имаше инциденти и засилено присуство на полиција, а се појави и градоначалникот на општина Центар, Андреј Жерновски.
Тој објасни земјиштето каде треба да се гради гаражата е во директна надлежност на владата, а претходниот градоначалник не сторил ништо за да во превземе земјиштето кои би требало да и припаѓа на општина Центар.
Според него и инспекторот на општина Центар бил оневозможен да ја испита работата.
За другата парцела каде треба да се гради катна гаража Жерновски вели дека утре ќе излезе со нови податоци откако прецизно ќе се разгледа градежната дозвола, бидејќи според него, постоеле сериозни шанси да се спречи целата операција.
Граѓаните неколку месеци бараа помош од надлежните да се спречи узурпацијата на просторот.