„Сакам да допринесам за многу важната посета на грчкиот министерот за надворешни работи Г.Венизелос на оваа земја, да се обидам да направам се што можам за да обезбедам да биде успешна посета, дискусиите да бидат продуктивни и да водат кон некое движење на јунскиот Европски совет“, изјави известувачот за Македонија во Европскиот парламент (ЕП), Ричард Ховит.
„Среќен сум што имав приватни разговори, долги и продуктивни со Г.Венизелос во Стразбур и мојата молба кон политичарите тука и сите во ова општество е да искористат пред неговата посета, за време и после тоа за да се создаде атмосфера за посетата да биде успешна, во вашите изјави и делувања“, истакна Ховит.
Тој го поздрави фактот што дијалогот меѓу Владата и новинарите продолжи- тој дијалог е важен не само што контрибуира на медиумскиот закон туку допринесува да се работи заедно кон патот на слобходни медиуми.
Што се однесува до коментарот на Мијатовиќ- за солидарноста меѓу новинарите, Ховит рече – има одговорност помеѓу новинарите и сопствениците да ја заштитат незавинсотсана на професијата, да ги достигнат високите професионални стандарди без политизирање и да допринесат за високи професионални стандарди и подобрување на рангирањето на слободата на медиуми.
Ховит престојува во дводневна посета на земјава, а досега имаше средби со вицепремиерот за евроинеграции Фатмир Бесими и лидерот на ДУИ Али Ахмети. Во петок известувачот ќе има и свое обраќање на конференцијата „Демократијата, владеењето на правото и слободата медиумите – клучни критериуми во напредокот кон Европската унија“.