Европратеникот и известувач за Македонија, Ричард Ховит на Европскиот парламент, на годишната дебата за напредокот на земјата кон пристапувањето во ЕУ, денеска му упати “јасна препорака дека преговорите за пристапување треба да започне без одлагање”.
Сепак, Ховит додаде дека оваа година, како одговор на етничките тензии во август минатата година и на политичката криза од 24 декември, треба да се потсети на тешката реалност:
“Дека идниот напредок кон Европа е загрозен.
Дека демократскиот кредибилитет на земјата е доведен во прашање.
Дека ние не можеме да сакаме вашата земја да се приклучи кон Европската унија повеќе од вие што сакате. Така, на Комисијата за истрага, од Меморандумот за разбирање, на дијалогот за слободата на изразување, апелирам да се направи суштински напредок подалеку од каде што сте денес.
И јас истото го кажувам и за прашањето за името.
Европа праведно го поздрави напредокот меѓу Србија и Косово.
Храброста што мораа да ја демонстрираат овие лидери не е помалку од она што денес се бара од лидерите во Атина и Скопје.
Навистина се плашам дека само може напредокот околу прашањето за името да ги одржи надежите за во јуни.
Но, овој парламент постави јасни прашања во врска со Европскиот Совет.
Дали ги користите обврските на земјата само како соодветен изговор?
Дали некогаш сте помислиле што би се случило ако оваа земја повторно се врати кон конфликти и поделби?
Водејќи се според настаните од минатата година, дали Европскиот Совет ги прифаќа своите должности кои доаѓаат од разни одложувања и отфрлања?
Дали ви е јасно дека кога чекате во редица и постојано ве преминуваат, потиснувајќи ве се подалеку и подалеку од почетокот на редицата, во одреден момент целосно ќе ја напуштите редицата?
Јас сега се плашам дека Европскиот совет себе можеби ќе треба да размислува за одлагање на јунската одлука. Можеби тоа е подобар исход од уште едно отфрлање?
Навистина до крајот на оваа година, не можам да предвидам дали тоа ќе биде земја во која пристапните преговори со ЕУ ќе почнат? Или ќе биде онаа која може да го изгуби својот статус на кандидат? Она што јас го знам е дека ова е земја и народ кои заслужуваат шанса.
Мислам дека повеќето од сите обични Македонци на улица, во ходниците, за транспорт, кои дојдоа до нас да ни посакаат добро, бараат од нас да се успее.
Тоа се оние надежи и стремежи на народот на земјата кои ме водат мене најмногу, и кои бараат Европската унија да најде начин за помагање на оваа земја да се придвижи напред” , изјави Ховит пред ЕП во Стразбур.