Во тек е изработка на закон за истополови заедници во Хрватска со која ќе се озаконат геј-браковите, jaвува Јутарњи лист.
– Што се однесува до владата, рамки веќе постојат и тие јавно се изнесени. Животната заедница на истополови партнери нема да се вика брак и тие нема да имаат право на посвојување деца, а на сите останати разлики во односите на хетеросексуалните парови нема да инсистираме, изјавил хрватскиот министер за јавна администрација Арсен Баук.
Истополовиот брак ќе се склопува на сличен начин како и хетеросексуалниот кај матичар, што го потврдил и министерот Баук, велејќи дека верува дека тоа ќе биде свечен чин.
Иако геј популацијата засега нема да има право на посвојување деца, сепак, се разгледуваат законски решенија за правата на животните партнери кон децата на биолошките родители.