Процесот на проширување на Европската унија мора да продложи за да не дојде до попoлнување на тој вакуум процес од трети страни, порача денеска хрватската престедателка Колинда Грабар Китаровиќ од Скопје. Таа го поздрави фокусирањето на Брисел на, како што рече, Југоистона Европа, вклучително и на Македонија – пренесува „Телма“.
„Силната ангажираност и осознавањето дека процесот на проширување на ЕУ мора да се продолжи дека со застојот на проширувањето се создава опасен вакуум кој тогаш го исполнуваат трети страни, на кој не им е во интерес напредок на нашите соседни држави на патот за членство во ЕУ или НАТО“, изјави претседателка на Хрватска, Колинда Грабар – Китаровиќ.
Грабар Китаровиќ која се наоѓа во официјална посета на Македонија заедно со претседателот Ѓорге Иванов сметаат дека преговори за членство во ЕУ треба да се водат паралелно со преговорите за решавање на спорот за името. Тие како успешен како пример за паралелни преговори го посочија примерот на Хрватска и Словенија.
Китровиќ рече оти се надева дека наскоро ќе се реши спорот за името меѓу Македонија и Грција, додавајќи дека притоа не смеат да се наметнуваат решенија од надвор. Таа ја поздрави препораката од ЕК за Македонија, велејќи дека Хрватска ќе направи се што може земјава во јуни од Европскиот совет да добие датум за старт на преговорите.
„Ќе продолжиме да ја поддржуваме Македонија во Европскиот Совет да се донесе позитива одлука за отворање на преговорите преку отворената дипломатиија, но и во доменот на дипломатијата зад затворени врати. Со создавање на коалиици на држави со земји кои исто така сметаат дека Македонија треба да ги почнат преговори, планирање на заеднички настапи и аргументирање на тоа, како и да се разговара со оние држави кои можеби во овој момент не се приклонети кон тоа“, Изјава – претседателка на Хрватска, Колинда Грабар – Китаровиќ
Во контекст на спорот за името и вчерашната, последна рунда од преговорите, претседателот Иванов рече дека засега лидерска средба не е предвидена за да се информра за текот на процесто на преговорите.
„Од вчерашната средба се уште немаме никакви информации. За се што се разговарало треба да го прашате министерот за надворешни работи и владата. Засега лидерска не е предвидена“, изјави претседателот на Македонија, Ѓорге Иванов.