Повеќе од еден милион и триста илјади денари се собрани на денешната донаторска акција на традиционалниот пикник на вработените во Алкалоид под организација на Фондацијата Трајче Мукаетов. Сретствата ќе бидат донирани за лекување на 18 месечно бебе на вработен во компанијата на кое му е дијагностициран тумор на мозокот. Бебето Мартин Мицев неодамна е оперирано во Македонија и ќе следува негов постоперативен третман на клиника во Германија.
„Се собравме целото алкалоидово семејство да придонесеме за лекувањето на бебето и да го молиме бог дека тоа ќе оздрави, да продолжи да расте и еден ден можеби ќе биде дел од „Алкалоид“. Ќе ја дадеме целата наша поддршка за Мартин да се излечи“, изјави генералниот директор на „Алкалоид“, Живко Мукаетов.
Таткото Влатко Мицев се заблагодари на сите колеги и на менаџерскиот тим.
„Во овој тежок миг, среќен сум што сум дел од „Алкалоид“. Се надевам дека со помошта од сите вас ќе успеме да ја добиеме оваа битка“, рече пред присутните таткото на Мартин, Влатко Мицев.
Во донаторската акција учествуваат и Фармацевскиот факултет, поеднци, веледрогери и соработници на „Алкалоид“.