Игор Ивановски денеска ја депонирал својата оставка и тој повеќе не е кандидат за претседател на СДСМ и ја образложи преку соопштение:
-Жалам што во предконгресниот период, поголем акцент и енергија се стави на личните персонални битки и кадровски комбинаторики на централно и локално ниво, за сметка на отворена дебата и заеднички пристап во изнаоѓање на усогласен, функционален и спроведлив програмски и работен концепт за иднината на СДСМ, вели Ивановски.
Порачува дека се надева дека неговиот потег ќе придонесе останатите кандидати целосно и конкретно да ја сфатат исклучителната важност на единството во партијата, како основен предуслов за стабилен и победнички СДСМ.
-Од денес со личен пример ќе покажам дека не треба да бидеш носител на раководна функција за целосно и без предрасуди да се вложиш за успехот на СДСМ. Мојата борба за социјалдемократските вредности и принципи ќе ја продолжам во својата општинска организација и парламентот, порачува Ивановски во соопштението.
.
Ивановси порачал дека нема намера јавно да повика за кого од останатите тројца кандидати да гласаат неговите поддржувачи.
Конгресот на СДСМ на кој ќе се бира нов лидер на партијата се одржува утре- во трката остануваат Зоран Јовановски, Кире Наумов и Зоран Заев.