Полска денес се простува со градоначалникот на Гдањск Павел Адамович, кој почина во понеделникот во болница откако беше прободен со нож ден пред тоа за време на една добротворна акција.
Стотици луѓе чекаат две до три часа во тишина пред Европскиот центар за солидарност и застануваат пред ковчегот, покриен со црвеното знаме на Гдањск и обрабен со бели цветови во главната сала на Центарот. Илјадници луѓе, исто така, го потпишаа регистрат со сочувство во градското собрание и во Европскиот центар за солидарност.
Многу популарен во Гдањск, Павел Адамович, 53 години, успешно го водеше овој град во текот на 20 години. На последните општински избори во есента 2018 година, тој доби поддршка од околу 65% од населението.
За многу Полјаци, вистинската одговорност за неговата смрт ја носи силно присутниот говор на омраза во политиката, говор кој влијаел врз врз неговиот убиец, навидум неурамнотежен криминалец. Тој го уби Адамович обвинувајќи го декеа е индиректно одговорен за долгиот престој во затвор на убиецот.
Дури по убиството на Адамович, полицијата приведе повеќе лица кои преку интернет им се заканувале со смрт на други политичари, најчесто либералите.
Околу 3.500 лица, помеѓу кои и полскиот претседател Анджеј Дуда, премиерот Матеуш Моравиецки и поранешниот претседател на Полска и Нобеловец Лех Валеса дојдоа на погребот што го организира градот Гдањск. Но говори на политичарите денес не се предвидени. Претседателот на Советот на ЕУ Доналд Туск, долгогодишен пријател на Адамович, исто така дојде во Гдањск како и стотина други градоначалници од Полска и од европските земји.
Големи екрани се поставени околу црквата за да може насобраната толпа да ја следи церемонијата а шестмина психолози беа ангажирани за да им помагаат на присутните во случај на потреба.
Во Полска е прогласена 24 часовна национална жалост по декрет на престедателот Дуда.
Варшава постхумно го прогласи Адамович за почесен граѓанин.





