Има напредок во преговорите, велат од македонско-бугарската комисија

Постигнат е напредок и прогрес во разговорите и работата на мешовитата историска комисија. Оваа информација ја споделија историчарите од Бугарија пред денешниот состанок.

За кои точно историски личности станува збор и каде е точно напредокот официјално ќе кажат по завршувањето на средбата.

Она што е сигурно и извесно е дека темата Цар Самоил е завршена, договорено е негово заедничко чествување, додека пак темата за Гоце Делчев се уште не е на дневен ред и за неа ќе се расправа само доколку се најде време на денешниот ден од состанокот, изјавија денес претставници од бугарската страна.