Американскиот претседател Барак Обама положи заклетва за вториот мандат како шеф на државата на јавната церемонија пред Капитол Хил во Вашингтон.
Откако предходниот ден во Белата куќа, Обама официјално положи заклетва, тоа го стори и вчера на јавна церемонија, предводена од претседателот на Врховниот суд Џон Робертс.
Тој го замоли Обама да ја стави раката на Библијата и да ги повтори по него зборовите запишани во членот два од Уставот.
– Јас Барак Хусеин Обама се колнам јавно дека чесно ќе ја извршувам мојата должност како претседател на САД и со сите мои сили ќе го чувам, бранам и заштитувам Уставот на САД. Нека Бог ми помага, изјави Обама.
Овој пат Обама положи заклетва врз две библии. На едната Библија се заколнал Абрахам Линколн во 1861 година, а другата му припаѓала на борецот за човекови права, Афроамериканецот Мартин Лутер Кинг, во чија чест САД денеска одбележуваат празник.
Претходно денеска заклетва за втор мандат полижи заменик-претседател Џо Бајден.
Блиндираното возило до 44-от американски претседател пристигна од Белата куќа во Капитол Хил точно еден час пред свечената инаугурација.
Стотици илјади лица кои се собраа пред Капитол Хил вееја американски знамиња.
Уставот предвидува заклетвите да бидат дадени на 20 јануари, но традицијата налага, во случаите кога овој ден се паѓа во недела, свечената инаугурација да се одржи уште еднаш, на следниот ден.
Фото галеријата е превземена од следниот линк