Сомалија, Конго, Судан, Јужен Судан и Чад се први на листата „пропаднати“ земји во 2013 година, која ја објавува американскиот Фонд за мир.
Индексот на пропаднатите земји, кој се мери веќе девет години по ред, се темели на проценка на неколку нивоа, како социјалното, политичкото, економското и военото, во предвид се зема и степенот на сиромаштија, заштита на човековите права, економскиот развој, задоволството на граѓаните, државната сигурност, легиминоста на државата и слично. Се проценуваат вкупно 12 фактори.
На листата се наоѓаат вкупно 178 земји, а сериозноста на ситуацијата е обележана со неколку нијанси- црвената боја означува тревога, портокаловата- предупредување, жолтата- стабилност и зелената – одржливост.
Од земјите во регионот во првите сто се најде Босна и Херцеговина која е рангирана на 83 место и спаѓа во категоријата предупредување.
Во истата категорија на 92 место е Србија, блиску после неа на 112 позиција е Македонија, додека во стабилна категорија се Црна Гора (134) Хрватска (135), а Словенија е дури на 163 место.
Последни на оваа листа што значи успешни и стабилни држави се рангирани Шведска, Норвешка, Швајцарија и Данска. Целосната листа погледнете ја на овој линк.