Врховниот суд во Индија одби да даде дополнително време компаниите на Субрата Рој за да си го подмират долгот, пишуваат медиумите во Индија.
Како што објавува порталот faktor.mk првиот човек на правда, Алтамас Кабир, кој претходно го продолжи рокот за наплата од ноември до крајот на првата недела од февруари, одби било какви понатамошни одолговлекувања.
“Ако не се враќа износот, како што наложи судот, тогаш немате што повеќе да барате од судот”, изјави Кабир, додавајќи дека судот претходно даде пролонгирање на роковите само за да се осигура дека инвеститорите ги добија своите пари назад.
Групата Сахара и натаму тврди дека голем дел износот од околу 4,4, милијарди долари веќе бил подмирен и поднесе тужба за клевета во судот против одредени медиуми и новинари.
Пред неколку дена индиското регулаторно тело СЕБИ и официјално ги предупреди партнерите и потенцијалните соработници со компаниите на милијардерот Субрата Рој. Медиумите во Индија јавуваат дека регулаторот ги предупредува инвеститорите и јавноста да бидат внимателни во бизнис зделките со оваа групација.
“Сите плаќања со Sahara India Real Estate Corp Ltd, Sahara Housing Investment Corp Ltd како и со тројцата директори -Vandana Bhargava, Ashok Roy Choudhary и Ravi Shankar Dubey, да се прават на сопствен ризик “, посочува регулаторот на пазарот во Индија, СЕБИ.
Од компанијата на милијардерот пак тврдат дека се неправедно обвинети и дека вистината ќе излезе на виделина.
“Сите овие случувања се непродуктивни, апсолутно непотребни и залудни. Исто така, за жалење е што без каква било вина на Сахара, компанијата непотребно се соочува со директни и индиректни штети по угледот и во материјална смисла. Сите овие случувања произлегуваат поради одмазда која може да влијае и врз еден милион работници на Сахара Индија Паривар која има максимално придонесено за оживување на стопанството по индиската железница“, велат од компанијата.