Индиските разузнавачки агенции го уапсија Јашин Баткал, еден од најбараните осомничени терористи, изјави министерот за внатрешни работи Сушилкумар Шинд.
Се верува дека Баткал е ко-основач на Индиските Муџахидини, воена група забранета во Индија а потврдена од страна на американските власти како „странска терористичка организација“.
Според изјавите на Шинд, индиските разузнавачки агенции го уапсиле Баткал источно од Бихар, близу границата на Индија со Непал.
„Во моментов се наоѓа под надзор на полицијата од Бихар каде што истиот се испрашува“, вели тој.
Американскиот Стејт Департмент во 2011 година изјави дека индијскиот муџахидин е сериозно поврзан со Пакистан и е одговорен за повеќекратно бомбардирање низ Индија од 2005 година наваму.
Баткал е баран за повеќекратните бомбардирања во Мумбаи во јули 2011 во кои загинаа 27 луѓе во три маркети. Индиските власти го сомничат за планирање на тие напади.
Стејт Департментот исто така го сомничи Баткал за кој велат дека бил главниот линк за терористичките напади во Мумбаи 2008, кога во координирани напади на хотели, болници и железнички станици загинаа повеќе од 160 луѓе.
Целта на индиските Муџахидини е да извршат терористички акции против сите кои не се муслимани со цел да создадат исламски калифат низ Јужна Азија, вели Стејт Департментот.