Светскиот фестивал на архитектурата во почетокот на месец октомври ги додели наградите за 33 објекти кои внесоа свежина и иновативен дизајн низ целиот свет. Од библиотека во Кина до супер-модерна црква во Шпанија, победниците од седмиот фестивал се најразлични и воодушевувачки.
Од објектите кои допрва треба да бидат изградени, Светскиот фестивал на архитектурата ги издвојува:
(Најдобрата канцеларија) – Агашијан во Индија на „Санџај Пјури Архитектите“ (Индија)
Се работи за највисоката зграда во маало каде што претежно има ниски градби. Изработена е според промената на временските услови. Најголемиот дел од терасите се свртени кон север а многу малку кон исток или запад.
(Најдобриот образовен објект) – ФПТ Технологија на „Во Тронг Н’гија“ (Виетнам)
Зградата е од големо значење за одржливиот развој на Виетнам и е дел од поширок план за претворање на целиот универзитет во еколошки свесна институција. Објектот е замислен да функционира на минимална генерирана резервна моќ, користејќи ја природната светлина за изобилство на растителен свет.
(Најдобрата куќа) – Маслиновата на „Иан Мур Архитектите“ (Австралија)
Уникатната форма и конусната челична конструкција го прави овој дом еден од најмалите. Совршен е физички 12.3 метри на 12.3 метри, поделен во асиметричен распоред.
(Најдобрата културна установа) – Споменикот на слободата на печатот на „Густаво Пења“ (Бразил)
Дизајнот е во стакло, според Комисијата која ги доделува наградите се работи за кристално јасна, цврста, но сложена градба како самата слобода. Се наоѓа во Бразил.
(Најдобар рекреативен центар) – Антакја музеј-хотел на „ЕАА Емре Аролат“ (Турција)
Објектот функционира и како хотел и како археолошки музеј посветен на важноста на христијанството. Поставките формираат колони во согласност со артефактите и карактеристиките на земјиштето кои му претходеле на хотелот.
(Најдобриот комерцијален објект) – Ветената земја Исфахан на „Фаршад Мехдизадех“ (Иран)
Дизајнот на фасадата е обид за изедначување на структурата со градот Исфахан. „Интеграцијата на внатрешниот и надворешниот простор го оптимизира човековото движење и циркулацијата, која на крајот ја подмладува целата комерцијална област“, објаснува Комисијата.
(Најдобрата инфраструктура) – Линкопинг централната станица на „Свеко Централ“ (Шведска)
Има огледало од вода, современ вијадукт и перфориран челик-школка. Се работи за модерен мост со идеја на класична железничка пруга.
(Најдобриот мастерплан) – Северозападeн Кембриџ – АЕКОМ (Велика Британија)
Следната генерација на Северозападниот дел на Универзитетот Кембриџ е „гледа кон иднината“.
.jpg)
(Најдобрата здравствена установа) – Продолжение на народната болница Футиан (Кина)
Болницата има за цел да им даде на пациентите внатре јасен, мирен поглед на светот надвор.
.jpg)
(Најдобра станбена зграда) – „Селото“ на „Санџај Пјури Архитектите“ (Индија)
Селото е каскада од станови кои имитираат чувство на индивидуални куќи сместени дијагонално или фронтално на кос терен.
Уметничка галерија на Големата Викторија на архитектските групации „5468796 и ТЕН“ (Канада)
Најомилениот дел од зградата на овој објект за Комисијата на Фестивалот е уметноста и дизајнот вклопени во еден објект.
(Најдобриот експериментален објект) – Скајфарм на „Роџерс Стирк Харбур и партнерите“ (Италија)
Ова е предлог дизајн за вертикална фарма која ќе биде изградена со користење на принципот на „вклопување“, обединувајќи аспекти како што е бамбусот за максимална флексибилност и геометриски отворена структура за максимална светлина.
Комплетирани проекти:
(Најдобриот објект од сферата на културата) – Дански Поморски музеј на „БИГ“ (Данска)
Овој музеј е подземна структура изградена околу пристаниште во близина на замокот Кронборг.
.jpg)
(Најдобрата куќа) – Куќа за дрвјата на „Во Тонг Н’гија“ (Виетнам)
Во градот Хо Ши Мин, само 0,25 % од целиот град е покриен со зеленило. Па како почит за потеклото на областа како тропска шума, овој дизајн има за цел да ги врати зелените површини во градот.
.jpg)
(Најдобриот шопинг-центар) – Јаликавак Марина комплекс на „ЕАА Емре Аролат“ (Турција)
Овој рај е наменет за средната висока класа на потрошувачи во Јаликавак на југозападниот брег на Турција.
(Најдобар сместувачки комплекс) – „Резбата“ на Еј-Лаб (Норвешка)
Овој дизајн е дел од Баркод планот на Осло (проект кој гарантира регулирани зелени површини) а наскоро ќе биде „Оперска населба“. Градот се надева дека ќе стане новиот бизнис центар.
(Најдобар приказ) – „Наметката“ на „Ферон Хеј“ (Нов Зеланд)
Архитектонската фирма има изградено „зелен покрив“ врз постоечката структура, вклучувајќи тревеста мрежа која ги покрива железните решетки. Се работи за објект кој е дел од аеродромот Окланд во Нов Зеланд.
(Најдобриот спортски објект) – Спортски центар Сингапур (Сингапур)
Спортскиот Центар кој важи за првиот комплекс во кој се интегрирани спортот, рекреацијата, забавата и начинот на живот, е дел од проектот Сингапур 2020.
.jpg)
(Најдобриот „граѓански“ објект) – „Капелата“ на „a21студио“
Оваа креација на виножито е нов граѓански простор кој се наоѓа во новите урбани одделенија во градот Хо Ши Мин . „Како резултат на кризата со недвижности недостасува вакви центри во околината, така што „Капелата“ е дизајнирана да биде место за луѓето да учествуваат во активности како што се конференции, свадби и изложби“, се вели во соопштението на Комисијата на Светскиот фестивал за архитектура.
Помеѓу градби кои заслужија признание оваа година, има објекти и од Шведска, Шпанија и Австрија. За комплетната листа на добитниците во своите категории пишува „Хафингтон Пост“.
.