Институтот за економија и мир секоја година прави листа на најбезбедни и најмирољубиви држави во светот. На тој Глобален индекс на мир (GPI – Global Peace Index), почнувајќи од 2017 година, нашата држава напредува секоја година. На листата на држави од Западен Балкан сме најдобро рангирани, а во однос на државите од поранешна Југославија од нас се подобри само Словенија и Хрватска.
Македонија е во групата држави со т.н. „Високо ниво на безбедност“. Еве како се движел прогресот на Македонија во последниве шест години:
2017 – 103
2018 – 87
2019 – 65
2020 – 62
2021 – 40
2022 – 36
За најбезбедна држава во светот се смета Исланд, а на последните три места на оваа листа од 163 држави се наоѓаат Сирија, Јемен и Авганистан. Кина се наоѓа на 89-то место, САД се на 129-то, а Русија на 160-то место.