24-годишниот актер, Вилдан Максути, го доживува најголемиот успех во неговата актерска кариера во Белгија. Тој имал само 10 години кога неговите родители заедно со него се преселиле во Блекенберг. Неговата прва улога е во филмот „Досиер К“, но Вилдан, кој е роден во Куманово, оттогаш одиграл многу улоги во значителен број филмови.
Максути завршил средно училиште за глума на академијата “De Stedelijke Academie Kunsten voor Schöne” во Бриж, Белгија, во 2008 и говори четири јазици за потоа да се врати во Македонија, поточно во Скопје и се запишува на Факултетот за драмски уметности со цел да го продолжи неговиот сон и дипломира во 2009-та година под водство на професорот Владимир Милчин.
Во продолжение е целосното интервју со него.
Кажете ни како ја започнавте вашата актерска кариера? Кои беа вашите први чекори, и со какви потешкотии сте се среќавале?
– Се почна во средното училиште при академијата за глума во Бриж, Белгија. Во 2005 се запишав на академијата, а во 2008 дипломирав. Во период од три години успеав да бидам дел од неколку филмови како што се Екс Драмер (Ex Drummer), Љубопитноста на среќата (The Curiosity of Chance), и да бидам во многу меѓунардони реклами за Холандија, (Интерполис), Франција (Санпаркс), Швајцарија (Пуратос)…
Од каде се роди инспирацијата за глумата? Од која книга, филм или претстава започна твојата авантура?
– На пет годишна возраст татко ми ме однесе на претстава. Од тој момент знаев што сакам да работам во жиотот. Се играше претставата Хамлет. Татко ми случајно ме однесе на таа претстава, имаше две карти гратис.
Како беше примен во Белгија како млад човек од Балкан, актер во една европска држава? Дали имаа предрасуди за твоите корени?
– Белгија е држава во која нема предрасуди за потеклото. Таму се суди со за тоа што носиш со себе. Вредностите таму се ценат. Колку повеќе се вреднуваш толку поголема вредност има твоето потекло. Бидејќи доколку се трудиш и работиш како што треба, тие завидуваат на твоето потекло.
.jpg)
Што може да ни кажете за вашето досегашно искуство?
– Не знам од каде да почнам, ќе треба да претставам една книга и многу белешки.
Дали си имал понуда од Холивуд, освен серискиот „Белата Кралица“(The White Queen), со холивудската ѕвезда, Макс Ајронс ( Max Irons)?
– Да сум добил такви понуди и сум бил на аудиција за еден многу голем холивудски филм. Но тогаш се уште бев на прва година на Факултетот за драмска уметност. Тогаш имав и снимања во Белгија и сметав дека не е добро уште на почеток да ги напуштам студиите. Се плашев случајно да не успеам да дипломирам.
.jpg)
Како дете, кој актер ви оставил најголем впечаток и дали постои таков за кој вие сте рекле „Сакам да бидам како него“?
– Кевин Бејкон, Едвард Нортон и Вал Килмер.
Кои се вашите следни проекти?
– Одиграв главна улога во музичкиот спот на светски познатиот ДЏ Антони (Dj Antoine – Light it Up). Режисер беше Ернест Мхоли. За мене беше огромна чест да соработувам со еден толку познат режисер. Следната недела ќе почнам со работа на еден краткометражен албански филм, во кој ја играм главната улога.
Кој е вашиот најголем сон?
– Да бидам позитивен пример за сите, и да допринесам уште повеќе за мојата татковина и народ.
Разговараше: Беким Бучи