Членовите на Извшниот одбор на СДСМ, вечерва само по два часа одлучиле дека кандидатурите на четворицата кандидати дека се уредни и имаат свои програми и ги исполнуваат условите да учествуваат во трката за нов лидер на најголемата опозициона партија.
Од расправата произлегло дека Заев, Јовановски и Ивановски во своите програми имаат доставено приближно компактибилни концепти.
„Овие кандидати изразија подготвеност заради поуспешен конгрес, да вложат значителен ангажман во наредните неколку дена, за да се направи приближување и усогласување на концептите, а преку таквиот позитивен пристап, што е можно повеќе да се намали бројот на кандидати за претседател на СДСМ“, информираат од СДСМ.
Сепак Зоран Заев, Зоран Јовановски, Игор Ивановски и Кире Наумов не мора да учествуваат на Конгресот на партијата на 2 јуни, доколку некој од нив застане зад кандидатурата на некој од неговите сопартијци.
Извршниот одбор не расправал за иницијативата на Иницијативниот одбор составен од партиски членови, кои го предложиле актуелниот лидер на СДСМ, Бранко Црвенковски за истата функција, со поддршка од околу 20 илјади партиски членови.