Техеран: Иранските власти обесија тројца мажи кои беа прогласени за виновни за соработка со израелската шпионска агенција Мосад.
Во исто време, тие беа прогласени за виновни и за шверц на материјал што бил употребен за извршување на целно убиство во земјата, објави новинската агенција Мизан, орган на судскиот систем на Исламската Република.
Иранските безбедносни сили уапсија повеќе од 700 лица осомничени за учество во израелската „шпионска мрежа“ во земјата.
Иранската новинска агенција Фарс и државната „Нурњуз“ објавија дека осомничените биле уапсени за време на 12-дневната војна на Израел со Иран.
За време на воениот напад на Израел врз Иран, беше спроведена и невидена операција од страна на израелската разузнавачка служба, која вклучуваше целни атентати на високи воени функционери и истакнати нуклеарни научници, како што објави Ал Џезира.