Бошко Нацевски: Официјална Софија, проблемот со скршеното стакло од влезната врата на Бугарската амбасада во Скопје, го издигна безмалку на ниво што Копенхаген го има со Трамп за Гренланд.
Последната закана кон Македонија за овој “голем” дипломатски инцидент, предизвикан од еден да претпоставиме поднапиен граѓанин, а можеби човекот имал сериозни лични мотиви, за да го искаже својот револт, со што високо ја подигна амплитудата на вознемиреност во софиските дипломатски кругови.
Се создаде впечаток дека човекот фрлил наплм бомба, или во правец на бугарскиот дипломатски објект упатил ракета со атомска боева глава. Или пак ова е изрежиран повод, немајќи друг аргумент со дипломатска тежина, како да се “бомбардира” Скопје со нова канонада од познатитиот арсенал на софиската пропагандна антимакедонски жестоко набилдана артилерија.
Критики ни испрати и господин Трифунов, онвој комедијант, инаку лидер на партијата “Има таков народ”, кој поради скршеното стакло, Македонија ја осуди уште долго, како што тој во својот познат стил на изразна полуцивилизираност не предупредува дека ние уште долго Европа ќе сме ја гледале “низ крива макарона”.
Уште оваа закана ни требаше на овие минусни температури.
Ни ги стресе панталоните.
Ние, од таквите шупливи глави сме навикнале еден цел век, не низ крива макарона, туку Софија да не гледа низ нишански справи. И еве сме, живи и здрави. Ми доаѓа да речам дури батија Европа во која за човечки и државни судбини одлучуваат и лидери со педигре на мамлази.
Драматизираат за едно скршено стакло, а изигруваат тотално слепило за кршењето на елементарните човечки права на милионот Македонци, кои официјална Софија веќе еден век ги гледа низ искривената макарона. Попрецизно речено, низ националистички обоената диоптрија.
Извор: Фејсбук