Џихадистичката група Исламска држава (ИД) вчера презеде одговорност за нападот со камион на божиќен панаѓур во Берлин, во кој загинаа 12 лица, јави ДПА.
„Војник на Исламската држава ја изведе операцијата во Берлин како одговор на нашите повици да се напаѓаат граѓани на земјите членки на (антиџихадистичката) коалиција“, пишува во соопштението на ИД што го пренесе нејзината агенција Амак.
Во нападот на божиќниот панаѓур во Берлин загинаа 12, а тешко повредени беа 48 лица.
Германската полиција вчера го уапси едно лице осомничено за нападот, но потоа го ослободи, затоа што немале доволно докази.
Пред три недели ИД презеде одговорност и за нападот на сомалиски бегалец врз студенти на универзитет во Охајо, а претходно и за нападите во Ница, Париз, Брисел и за неколку инциденти во Германија.