Радован Караџиќ по долга и напорна процедура , со потпишување на неколку документи и одобрување од Судот за воени злосторства во Хаг, се согласил после интервјуто во германскиот весник „Цајт“, да даде прво интервју за српски медиум. Караџиќ е осуден на 40 години затвор поради геноцид во Сребреница и злосторства против човештвото над муслиманите и Хрватите во текот на војната во Босна и Херцеговина и тој реши да за српски „Неделник“ да проговори за случувањата во деведесеттите, неговата улога, како и за тоа кој е виновен за распад на Југославија.
„Војната ја доживеав со голема тага, дури и пред да избие. Бев прилично сигурен што ќе се случи ако продолжат настаните со туркање кон нелегална и еднострана независност. И тоа не само на основа на минатото, туку и на основа на се она што се случуваше во Хрватска во 1991 година., раскажува Караџиќ.
Тој за „Неделник“ вели дека според неговото мислење, главните виновници за војната биле „надвор од Босна и Југославија“.
„Иако меѓуетничките односи не беа идеални, нам ни беше добро и со муслиманските и со хрватските партии. Јас имав многу добар однос со господинот Изетбеговиќ“, рече Караџиќ.
Првиот претседател на Република Српска жали поради распадот на Југославија и начинот на кој е растурена.
„Ако Југославија морала да се распадне, тоа требаше да се случи како Скандинавија. Мени ми се допаѓаше Хрватска, таму сум стекнал добар дел од образованието и никогаш лично сум немал никакви проблеми, но нивните чувства против Југославија и Србите преовладаа и резултираа со уште едно крвопролевање“, вели Караџиќ.
За одговорноста за злосторствата во Сребреница, Караџиќ вели:
„Кој и да го направил тоа, бил предавник на српскиот народ и најмногу ги оштетил српските интереси. Тоа никогаш не се случило во нашата историја и не смее да се случи ни сега. Тоа беше целосно идиотски и глупо, да се направи злосторство кое може да се избегне, и тоа на крајот на војната која ја добивавме. За нас тоа беше неочекувано и неверојатно. Како тоа да го стори некој пореметен ум.“, изјавил тој во интервјуто.
Караџиќ во разговор за „Неделник“ зборува и со предвоениот договор со Алија Изетбеговиќ, односите кон Хрватска, како Изетбеговиќ предлагал обединување на Србите и Република Српска, за сеќавањата од средбите со актуелниот премиер Александар Вучиќ, зошто Сараево се уште го доживува како свој град, како и за тоа што би работел денес ако е на слобода.