Судиите од мнозинството со чиишто гласови денеска во САД се случи историја
Врховниот суд во САД денеска донесе историска пресуда со којашто на геј паровите отсега ќе им биде овозможено да се венчаваат било каде на територијата на САД, а поединечните држави повеќе немаат право самите да одлучуваат дали правото на брак ќе биде единствено помеѓу хетеросексуалци.
Акција на судот означува кулминацијата на невиден пресврт во јавното мислење и правото во земјата. Застапниците на правото на геј бракови ова го нарекуваа најитно прашање за граѓанските права во модерните времиња, додека критичарите посочуваа дека судот ја фрлил земјата во неиспитана територија со промена на традиционалната дефиниција на бракот.
“Судот сега смета дека двојките од ист пол можат да го остварат фундаментално право да се венчаат. Оваа слобода повеќе не може да им се забрани“, ова го напишта судијата Ентони Кенеди во образложението на мнозинството. Тој се приклони кон мислењето на либералните судии Рут Бадер Гингсбурт, Стивен.Г.Брејер, Соња Сотомајер и Елена Каган.
Сите четворица најконзервативните членови на судот кои гласаа „против“ – Џон Робертс Г. Џуниор, Антонин Скалиа, Кларенс Томас и Самуел А. Алито Џуниор – ќе напишат издвоени мислења.
Судот пред денешната одлука разгледуваше четири предмети кои биле консолидирани од Мичиген, Охајо, Кентаки и Тенеси – во сите овие земји геј браковите не се дозволени.