Потресна приказна на преживеана девојка од затрупаниот хотел во Италија, објави Би Би Си. Џорџија Галаси, 22 години е една од деветмината спасени до сега. Таа раскажува како јадела снег и мраз за да го преживее хоророт кој за неа траеше 58 часа.
Досега се пронајдени пет тела, а 24 се уште се водат како исчезнати.
Студентката Џорџија седела во лобито со нејзиниот свршеник кога снежната лавина го потрупа хотелот.
– Се се мрдаше и не можев да сфатам ништо, вели таа за Кореиере дела Сера. Мислела дека хотелот паднал длабоко во земјата.
– Се беше темно, немаше ниеден глас од надвор. Се слушаше ехо од нашите гласови. Мојот свршеник никогаш не загуби надеж. Не поддржуваше сите, некогаш и пееше за да не анимира, вели таа.
– Немавме ништо за јадење, само мраз. Имаше премногу и тоа не одржа. Заборавив и колку е часот и кој е денот.
Во петокот кога беше спасена, ги слушнала звуците на механиката со која спасувачите се обидуваа и се уште го прават тоа, да ги извлечат затрупаните.
– Јас сум Џорџија и жива сум. Тоа беше најубавото нешто што сум го изговорила, раскажува Италијанката.
Во средата, снежна лавина со брзина од 100 километри на час и тежина од илјадници тони го затрупа хотелот Ригопиано во централна Италија.
Се верува дека истата е резултат на земјотресите кои ја тресат Италија изминативе месеци. Од нив стравуваат аналитичарите, дека регионот околу Апенините може да доживее уште природни непогоди.