Врховниот суд на Италија ја потврди затворската казна за поранешниот премиер Силвио Берлускони која се однесува на даночни измами, јавува Би-Би-Си.
Сепак, судот нареди ревидирање на петгодишната забрана за јавна функција, која беше дел од пресудата.
Берлускони се соочува со домашен притвор или служба на заедницата, наместо да оди во затвор поради неговата возраст – тој има 76 години.
Неговите адвокати побараa од судиите на Касациониот суд на Рим да ја поништи едната година затворска казна, како и политичката забрана.
Кога Берлускони беше осуден во октомври минатата година, тој доби четири години затвор, но таа беше автоматски намалена на една, според Законот за помилување од 2006.
Пресудата на Врховниот суд дојде по тридневна расправа.
Судската ревизија на петгодишната забрана за јавна функција ќе му овозможи на Берлускони да остане сенатор и лидер на неговата централно-десничарска Луѓето од Партијата на слободата (ПДЛ) .