Компанијата ФЦЛ Амбиенете ДОО, актуелниот концесионер на депонијата „Дрисла“ им се заканува на медиумите дека започнале процес на подготвување на тужби против оние кои пишувале за тендерите околу Дрисла. Компанијата освен што се заканува со тужби пред судовите, се заканува и со институцијата Јавен обвинител, иако е нејасно зошто се вмешува обвинителството кое не се бави тужби за клевети и навреди.
-Се повикуваме на информациите пренесени од медиумите во врска со „Дрисла“ и поточно на сите случки кои директно или индиректно се однесуваат и се поврани со истата, за да го појасниме следното. Дојдовме до сознанија за постоење на крајно штетни факти и акти искажан на штета на ФЦЛ Амбиенете Д.О.О., кои ја извртуваат и оцрнуваат реалноста. ФЦЛ Амбиенете Д.О.О. не може да го толерира настанатото бидејќи се премина секакво праг на правна и морална прифатливост.
-ФЦЛ Амбиенете Д.О.О не може да го толерира настанатот, бидејќи се премина секаков праг на правна и морална прифатливост.
-За таа цел, Друштвото без понатамошно одлагање, со цел да ги заштити своите права, ги овласти своите правни застапници да започнат судска постапка, помеѓу другото, и преку Јавниот обвинител и Македонските судови, се вели во писменото соопштение од „ФЦЛ Амбиенте“ упатено до македонските медиуми.
Тендерот за концесијата на „Дрисла“ за кој пишуваше и НОВА стана актуелен кога второрангираниот конзорциум предводен од германската компанија „Шолц“ поведе спор пред Управниот суд и го доби. Управниот суд најде неправилности во начинот на кој е избран конзорциумот од Италија и му наложи на градот Скопје да ја повтори постапката за избор. Градот Скопје минатата недела повторно ги избра Италијанцие за концесионери на Дрисла, притоа, во образложението, искажувајќи несогласување со наодите на Судот.
Во прилог погледнете ги текстовите кои ги објавуваше НОВА во изминатите неколку месеци, а кои се однесуваат на тендерот со „Дрисла“ и нејзиното превземање од страна на италијанскиот конзорциум.
>>Детали од тендерското досие: Што отвори сомнежи за Дрисла
>>Амбасада: Договорот „Дрисла“ опасност за германско-македонските односи
>>Градот не ги дава Италијанците од Дрисла
>>Сомнителните зделки во „Дрисла“ добија судски епилог
>>Град Скопје: Документите за концесионерот на Дрисла се тајна
>>Афера: Кој е новиот инвеститор во „Дрисла“