За време на новогодишните празници и во текот на новогодишната ноќ Итната медицинска помош ќе работи 24 часа, со 13 медицински тима распоредени во населбите Карпош,Јане Сандански, Чаир, Ченто, Драчево, Ѓорче Петров, Петровец, Глумово и Чучер Сандево. Службата за ИМП ќе го обезбедува и настанот „Огномет на Скопското Кале“ (1 екипа)
Во склоп на Службата за ИМП ќе дежураат и осумтте ординации за здравствена заштита во трета смена, недели и празници и тоа во во Поликлиниките: Јане Сандански, Чаир, Ченто, Шуто Оризари, Ѓорче Перов, Драчево, Идадија и Бит Пазар. Од таму соопштуваат дека секојдневно ќе функционира и единицата за домашна посета.
Од Итната медицинска помош препорачуваат за време на Новогодишните празници умерено да се користат алкохолни пијалоци за да се избегнат алкохолни труења, тепачки и сообраќајни незгоди. Особено се апелира до младата и малолетна популација за некористење на алкохол заради нискиот праг на толеранција, како и воздржување од користење на пиротехнички средства и огнострелно оружје заради избегнување на несакани повреди, изгореници и други потешки последици.