Научниците ги разгледаа податоците од 854 градови за да ги проценат смртните случаи од високите и ниските температури низ целиот континент.
Истражувачки центар на ЕК
Бројот на смртни случаи поради жештините во Европа би можел да се зголеми тројно до крајот на векот, а најмногу жртви ќе има во јужноевропските земји како Италија, Грција и Шпанија, се наведува во студијата на Истражувачкиот центар на ЕК.
Иако студот е посмртоносен од екстремната топлина, научниците изјавија дека ако глобалното затоплување достигне три или четири степени, односно ако планетата се загрее за три или четири степени, зголемувањето на смртните случаи од топлина значително ќе ги надмине смртните случаи предизвикани од студ.
Многу повеќе смртни случаи поврзани со топлината се очекуваат како што климата се загрева и населението старее, додека бројот на смртни случаи поврзани со студ малку се намалува, рече коавторот на студијата Дејвид Гарсија-Леон од Истражувачкиот центар на Европската комисија.
Екстремните горештини би можеле да убијат околу 130 илјади луѓе годишно, доколку температурата се искачи на три степени над прединдустриското ниво. Денес во Европа 44 илјади смртни случаи се предизвикани од топлина.
Ова истражување е остар потсетник за бројот на животи во опасност ако не дејствуваме доволно брзо против климатските промени, рече Медлин Томсон, шеф на климатските влијанија и адаптација во добротворната организација за здравствени истражувања Велком.
Научниците ги разгледаа податоците од 854 градови за да ги проценат смртните случаи од високите и ниските температури низ целиот континент. Тие заклучија дека жештините ќе бидат фатални за луѓето во сите делови на Европа, но дека најголем број жртви ќе има во јужноевропските земји како Шпанија, Италија и Грција, како и делови од Франција.
Тие прогнозираа дека доколку планетата се загрее за три степени, бројот на смртни случаи ќе се зголеми за 13,5 отсто и дека повеќето од загинатите ќе бидат постари од 85 години.
Истражувачите заклучија дека напорите за прилагодување на климатските промени треба да се фокусираат на региони со висока невработеност, сиромаштија и емиграција,