Лидерот на Демократската партија на Србите во Македонија, Иван Стоиљковиќ за рушењето на споменикот Цар Душан за НОВА изјави дека во Македонија се разви анти-српска, фашистичко-талибанска клика.
-Приказната ја потпали СДСМ а ја изведоа албански екстремисти. Зошто само српски споменик да се руши, од морето споменици? Зошто ви пречеше само Цар Душан? Зошто само него го одбравте?
Демократски расположени граѓани, на цивилизациски начин, демократски рушат, палат и убиваат, додаде Стоиљковиќ.
Оваа реакција на Стоиљковиќ доаѓа по веста дека неидентификувана група се обидела да го сруши споменикот на цар Душан. Според информациите на Алсат-М, се работи за група од 20 до 30 граѓани која ноќеска по полноќ се обидела да го урне споменикот, кој е значително оштетен, но не и срушен.
Како што пренесува телевизијата, меѓу граѓаните имало и претставници на ДУИ.
.jpg)
За денеска на пладне на ФБ се најавува протест и уривање на споменикот, кој предзвика серија реакции, незадоволство и вербални протести од страна на албанските невладини, интелектуалци, ветераните на ОНА и ВМРО-Народна.
Но, најголемата енигма беше иницијаторот и соодветната институција која го поставила- се уште не се знае кој го нарачал, платил и поставил и за кој никој не сака да преземе одговорност.
Министерката за култура Елизабета Канчевска- Милевска не знае чие дело е поставувањето на Цар Душан, на 4 декември изјави за НОВА нејзиниот портпарол Анета Јовановска.