Македонскиот претседател Ѓорге Иванов го интервју за руската агенција изјави дека на Македонија и треба стабилен извор на енергија на долг рок, а тоа го нуди токму проектот на Газпром.
„Република Македонија, како и другите земји во регионот, чувствуваат потреба за дополнителни количества на гас, како чист извор на енергија. Затоа и Македонија стана дел од „Јужен тек” за да ги искористи придобивките кои ги нуди проектот, а тоа е добивање на дополнителни количества на гас”, изјави претседателот на Република Македонија Ѓорге Иванов во интервјуто за руската агенција ИТАР-ТАСС.
„Газпром” се согласи да ја вклучи и Македонија како дел од земјите учеснички во проектот „Јужен тек” уште во 2010 година. Преку гасоводот Македонија очекува да ги намали трошоците за набавка на енергија. Во 2013 година Русија и Македонија потпишаа билатерален договор за соработка во изградбата на „Јужен тек”.
Во последниве неколку месеци судбината на гасоводот е доведено во прашање поради ставот на ЕУ, која бара спроведување на т.н. Трет енергетски пакет. Суштината е во тоа што добавувачите на гас не смеат да бидат сопственици и на гасоводен систем во ЕУ.
„Конечно, за бизнисот во Македонија, кој бара евтини енергенси, ова е добар проект. Со реализацијата на „Јужен тек” бизнисмените во Македонија ќе можат да планираат реализација на многу повеќе други проекти, кога ќе бидат сигурни дека имаат сигурен извор на енергија. За нас е важно дека со овој проект обезбедуваме енергетска стабилност на подолг рок”, рече Иванов.
Во однос на односите со Русија, македонскиот претседател вели дека после 20 години дипломатски односи може да се заклучи дека односите со Русија се во подем, дека постојано се јавуваат нови и нови сфери на заеднички интерес и секогаш може да се направи повеќе. „Соработката меѓу двете држави веќе се чувствува и во праксата. Мислам дека во овој момент најмногу направивме за развој на економијата. На бизнис заедницата ѝ се отворија многу хоризонти за бизнис. Руски компании успешно функционираат во Македонија и македонските производи се веќе добро познати во рускиот пазар, на пример вино, храна… Останува на бизнисмените да направат повеќе. Важно е дека тендецијата оди по нагорна линија”, рече Иванов во интервјуто за ИТАР-ТАСС.