На 7 мај два патнички авиони, кои вршеле прелет над Македонија, за малку избегнале директен судир, јави Алфа во вечерашните вести. Телевизијата известува дека станува збор за авионите на компаниите „Easyjat“ и „Shamrock Airlines“, а сударот е избегнат благодарение на авионските уреди кои сигнализираат опасност од приближување на друг авион.
Инцидентот се случил на потегот помеѓу Прилеп и Кичево, кога авионите биле оддалечени само 800 метри еден оддруг. По барање на двете компании Еуроконтрол започна истрага, а компаниите според информациите се пожалиле дека во критичниот момент пилотите на двете летала имале инструкции да не ја менуваат предвидената рута.
Од Агенцијата за цивилно воздухопловство за телевизијата потврдија дека нивни инспектори го истражуваат случајот и дека се работи на утврдување на причините. Паралелно бил формиран тим и во Македонска навигација, каде, исто така, во тек е интерна истрага околу инцидентот.