Партиите речиси се договорија за избирачкиот список, а денес е извесно дека ќе се затворат прашањата со надлежностите на Државната изборна комисија и гласањето на дијаспората. За утре, пак, се очекува да почнат разговорите за рамките во кои ќе функционира специјалниот јавен обвинител.
Една од најтешките мисии за кои што и експертската јавност е песимист дека ќе се дојде до брзо решение е онаа за изборот на специјалниот јавен обвинител. ВМРО ДПМНЕ и СДСМ не се согласуваат околу законската рамка во која би функционирал обвинител, односно ДМНЕ сметаат дека и во рамки на овој закон истиот може да функционира, додека СДСМ бара нов закон за идниот специјален обвинител образложувајќи дека вака тој пракитчно би одговорал пред Државниот јавен обвинител Марко Зврлевски, што за нив е неприфатливо. Извори на НОВА во преговарачките групи велат дека ДУИ посакувале специјалниот јавен обвинител да почне да се бави со случаите по изборите иако не дале таков предлог формално, што е речиси неверојатно дека ќе биде прифатено од страна на СДСМ. Освен рамките во кои тој би работел, се поизвесно е дека копјата ќе се кршат и околу изборот на личноста кој би ја извршувала оваа фукција.
Специјалниот јавен обвинител треба да биде избран до 15 септември согласно Договорот од Пржино, а на 1 септември опозицијата треба да се врати во Собранието.