НОВА во повеќе дневни продолженија и со посебни тематски наслови објавува серија содржински сегменти од едукативната публикација на ЦИВИЛ – Центар за слобода „СЀ ШТО САКАВТЕ ДА ЗНАЕТЕ ЗА ИЗБОРИТЕ“ посветена на јакнење на јавната свест, едукација и мобилизација на граѓанките и граѓаните за подобрување на изборните процеси.
Едукативните текстови на авторскиот тим на Цивил се посветени на различни аспекти на изборните процеси како за организацијата на изборите, избирачката администрација, изборните материјали, избирачкиот список, гласачките ливчиња, кампањите, изборниот молк, можни нерегуларности во процесот и на повеќе други аспекти.
Серијал на НОВА: Избори 2024 – Излези и гласај!!
Цивил – Центар за слобода:
ЦИВИЛ, авторот на публикацијата „Се што сакавте да знаете за изборите“, а од која Нова тв.мк во 18 продолженија го презентираше овој едукативен предизборен серијал, е непрофитно здружение на граѓани. Цивил е формиран заради остварување мисија од општествен интерес.
Во Статутот на организацијата се вели дека визијата на ЦИВИЛ е за свет во кој сите луѓе живеат во мирно и демократско општество во кое човековите права и слободи се почитуваат во целост. Цивил се бори за свет без насилството, без дискриминацијата и шовинизам во било каков облик, за слобода на изразување и медиумите се слободни и независни од влијанието на центрите на моќта, за независни институции целосно посветени на интересите на граѓанките и граѓаните.
Цивил се залага изборите се фер и демократски, а граѓанките и граѓаните непречено организираат и учествуваат во процесите на донесување на одлуките, да спроведува динамична стратегија за култура и уметност, да иницира или поддржува локални, национални, регионални и глобални процеси за мир и стабилизација, ненасилно решавање конфликти, човекови права и демократија преку односи со јавноста и членство во национални, регионални и меѓународни асоцијации и структури, да дава активен придонес кон интегрирање на екологијата во развојните стратегии на сите нивоа.
За Цивил, културата и уметноста се составен дел од секојдневието на општеството, екологијата и заштитата на животната средина исто така, а мисијата на ЦИВИЛ е и да спроведува активна едукација, промоција и одбрана на човековите права и слободи, да дава активен придонес кон одржлив мир и кон процесите за помирување, да спроведува акции за превенција од конфликти, ефективна контрола на оружјето и надминување на култот кон оружјето, да спроведува активна едукација, промоција и одбрана на слободата на изразување, да дава активен придонес кон развојот на слободните и независните медиуми.
Изборните процеси се посебен предизвик Цивил – Центар за слобода ги набљудува, анализира и дава препораки за политики и практики во сферата на изборите, изборното законодавство и изборните процеси и ги охрабрува меѓу владините и невладините организации, поединците и сите делови на општеството да ги поддржуваат, почитуваат и работат во полза на човековите права и слободи, мирот и општеството без оружје и насилство.