НОВА во повеќе дневни продолженија и со посебни тематски наслови објавува серија содржински сегменти од едукативната публикација на ЦИВИЛ – Центар за слобода „СЀ ШТО САКАВТЕ ДА ЗНАЕТЕ ЗА ИЗБОРИТЕ“ посветена на јакнење на јавната свест, едукација и мобилизација на граѓанките и граѓаните за подобрување на изборните процеси.

Едукативните текстови на авторскиот тим на Цивил се посветени на различни аспекти на изборните процеси како за организацијата на изборите, избирачката администрација, изборните материјали, избирачкиот список, гласачките ливчиња, кампањите, изборниот молк, можни нерегуларности во процесот и на повеќе други аспекти.                                                     

Серијал на НОВА: Избори 2024 – Излези и гласај!!                

Избирачки одбори :

Избирачките одбори (ИО) се составени од претседател и четворица членови. Дел од членовите се именуваат од државната администрација по случаен избор, а по еден член и негов заменик именуваат политичките партии од опозицијата кои на последните избори за пратеници освоиле најмногу гласови. 

Лицето избрано за член на изборниот орган има право да не прифати да ја извршува таа должност во случај на болест или од семејни причини.

Обврска на членови на одбор е на денот на гласањето да се распоредат во две смени за и тие да можат да го остварат и своето гласачко право. 

Задачите на избирачките одбори се состојат од непосредно спроведување на гласањето на гласачкото место, обезбедуваат правилност и тајност на гласањето,  слободно и мирно одржување на гласањето, го утврдуваат и сумираат резултатот од гласањето на гласачкото место, а резултатите од гласањето ги објавуваат на самото место каде што се спроведувало гласањето. 

Оваа формалност, со описот и надлежностите на изборната администрација, подразбира и флуидна соработка меѓу сите нејзини органи од врвот, односно ДИК, до секој поединечен член на избирачките одбори.