НОВА во повеќе дневни продолженија и со посебни тематски наслови објавува серија содржински сегменти од едукативната публикација на ЦИВИЛ – Центар за слобода „СЀ ШТО САКАВТЕ ДА ЗНАЕТЕ ЗА ИЗБОРИТЕ“ посветена на јакнење на јавната свест, едукација и мобилизација на граѓанките и граѓаните за подобрување на изборните процеси.

Едукативните текстови на авторскиот тим на Цивил се посветени на различни аспекти на изборните процеси како за организацијата на изборите, избирачката администрација, изборните материјали, избирачкиот список, гласачките ливчиња, кампањите, изборниот молк, можни нерегуларности во процесот и на повеќе други аспекти.                                                     

Серијал на НОВА: Избори 2024 – Излези и гласај!!                         

  Кодекс за фер и демократски избори:

Политичките партии и кандидати учесници во изборните процеси во земјата се обврзани да потпишат Кодекс за фер и демократски избори.

Учесниците во изборите со кодексот јавно и недвосмислено се обврзуваат дека нема да вршат никакви притисоци ниту злоупотреба на нивната должност од страна на партиски членови. Ова посебно на членови во својство на службени лица а кои учествуваат во изборна кампања. И особено доколку се во службена униформа за што Изборниот законик предвидува глоба во износ од 1.000 до 3.000 евра во денарска противвредност.