Граѓанската асоцијација „Мост“ утре ќе ги следи локалните избори со околу 3.200 набљудувачи, односно 50 % од гласачките места и 50% од гласачките места во рамки на секоја општина.
Шефот на МОСТ, Дарко Алексов информираше на денешната прес – конференција дека мониторингот е статичен, освен за исклучоци, јавува 24 вести.
„МОСТ“ упатува апел за одржување фер, слободен и мирен изборен процес и воедно ги информираат граѓаните дека пријавуавње на нерегуларности е на бесплатната телефонска линија 080 080 080.
Амбасадорите на Германија, на Холандија и на Велика Британија, во Македонија Гудрун Штајнакер, Мариет Шурман и Кристофер Ивон, како поддржувачи на проектот на оваа граѓанска асоцијација „Домашно набљудување на локалните избори 2013“, ги повикаа граѓаните да излезат на избори и слободно да ја изразат својата волја.
Овие избори, вели амбасадорката Штајнакер на пресот, се најблиску до граѓаните и во таа насока, рече, се надевам дека голем број гласачи ќе го искористат своето право и ќе излезат на гласање, затоа што е многу важно да се практикуваат деморкатските права.
Амбасадорката Шурман излезе со повик до сите граѓани утре на локалните избори слободно да се изразат, а сите инволвирани чинители да им овозможат на граѓаните слободно да го остварат своето право на тајно гласање.
Британскиот амбасадор Ивон уште еднаш ја акцентира важноста на мирни, спокојни и професионални локални избори.