Првата снимка покажува малолетни деца со партиските симболи на собирите на ДУИ во Шипковица во функција на промоција на изборната кампањата на нивниот кандидат за градоначалник на Тетово, Теута Арифи. На другата друштво и прави полицискиот началник од Тетово. И ДУИ како коалициниот партнер ДПМНЕ не штедат на функционери во себепромоцијата и партиските активности.
Министри, функционери и административци се во постојана придружба на кандидатите на владеајчките партии. Така на пример, министерот Тодоров вчера најави и помош на проектите на кандиданот за градоначалник на Кисела Вода Билјана Беличанец.
Таа се трка на избори, а тој ќе сторел се да се дислоцира центарот за зависници од општината. Експерти за НОВА во повеќе анализи предупредија дека ваквите активности се кршење на законите.
-Тоа повторно е инволвирање на Владата, на ресурисите на Владата во промоција на локалните кандидати. Ти имаш право да си ја водиш политиката на министерството, сето тоа е во ред, меѓутоа не можеш во изборна кампања или на промотивен настап на градоначалникот да се јавуваш, вели Драган Малиновски, поранешен член на Антикорупциската комисија
А до каде се оди во борбата за гласови: ниту децата се поштедени, ниту пак постарите. Во игра се и личните податоци ако некому му се потребни. Така на пример, пензионерите од општина Центар добиваат покани од градоначалникот за средби и ручеци.
На фотографијата во видеото е и една од тие покани каде Владимир Тодоровиќ, кандидат за градоначалник на општина Центар, ги кани пензионерите на домашна адреса да дојдат на ручек со него. Од каде му се податоците и кој си игра со приватноста на граѓаните? Од невладината Цивил велат дека случајот на Тодоровиќ не е изолиран, а личните податоци се злоупотребуваат постојано.
-Она што е најаларманто е заштитата на личните податоци. Неверојатно многу е раширена појавата да се знаат добро личните податоци, материјалната состојба на граѓаните. Ако сте пензионер, вам ви доаѓа покана за собир на пензионери. Ако сте инвалив добивате покана како лице со посебни потреби итн, вели Џабир Дерала од невладината „Цивил“ која го мониторира изборните злоупотреби
Ниту ДУИ ниту Тодоровиќ не беа достапни да дадат коментар за начинот на кој ја водат кампањата. Една од клучните препораки кои произлегоа од извештајот на ОБСЕ од минатите избори беше онаа во која се порача да не се злоупотребуваат државните ресурси во кампања.
Во меѓувреме, продолжуваат вработувањата, вонредние исплати на субвенции, социјални трансфери, објавување тендери.
Повеќе во видеото погоре.