Околу 60 продукти изработени од 30 дизајнери и 30 графички дизајнери се дел од изложбатата „Најдрагиот Пинокио“ која денеска беше отворена во Националната Галерија Чифте амам во рамките на Деновите на италијански дизајн во Скопје, а која ќе трае до 28-ми март.
Изложбата која е посветена на 140 години од првото издание на „Авантурите на Пинокио“ содржи избор на дизајнерски проекти на италијански компании кои го слават митот за Џепето, првиот италијански дизајнер. Таа е дел од активностите за деновите на италијански дизајн во Скопје што ги организираат Амбасадата на Италија и ИТА – Italian Trade Agency.
Директорката на Националната галерија, Дита Старова Ќерими, на отворањето информираше дека Македонија е втората земја, по изложбата во Милано, каде што можат да се видат овие продукти.
Креиран од музејот АДИ од Милано, и токму после Милано првата земја каде што се претставува е токму нашата земја. Изложбата допира повеќе културолошки и хуманистички аспекти, освен што е поврзување на литературата и дизајнот. Станува збор за инклузивна изложба погодна и за деца и за возрасни, рече таа.
Оваа изложба ја презентира можноста на италијанскиот дизајн да креира безвременски објекти посветени на најпознатиот италијански карактер Пинокио,појасни италијанскиот амбасадор во земјава Андреа Силвестри.
Лука Мадонини, дизајнер и еден од кураторите информираше дека изложбата е составена од 60 продукти изработена од 30 дизајнери и 30 графички дизајнери.На отворањето на изложбата, амбасадорот Силвестри, ја одликуваше директорката на Националната Галерија, Дита Старова Ќерими со признанието – орден „Витез на Редот Ѕвезда на Италија”, што го доделува претседателот на Републиката за воспоставување и негување на лични и професионални релации со Република Италија,