Израел и палестинските групи се согласија на 72-часовно хуманитарно примирје во Газа, изјавија официјални лица, јавува Би-Би-Си.
Прекинот на огнот ќе започне во 08:00 по локално време во вторник.
Израел го одржа својот сопствен седумчасовен “хуманитарен прозорец” во Газа во понеделник, но потоа продолжи воените операции.
Здравствените работници во Газа велат дека повеќе од 1.800 Палестинци се убиени во четиринеделниот конфликт, за кој, исто така, се тврди дека се одземени 67 израелски животи.
Еден тајландски работник во Израел беше, исто така, убиен.
Ималше неколку прекини на огнот, кои беа повикувани за време на конфликтот, но ниту еден не траеше, откако секоја страна ја обвинуваше другата за прекршување.
Најновиот беше дискутиран во понеделник од страна на разни палестински групи во Каиро, иако Израел не присуствуваше.
Сепак, висок израелски официјален претставник подоцна изјави: “Израел ќе го прифати нацртот на египетскиот предлог за безусловен прекин на огнот, без предуслови и за 72 часа, почнувајќи утре во 08:00”.
Азам ал-Ахмед, лидер на палестинската делегација, рече: “Палестинците се согласиле на прекин на огнот предложен од Египет.”