Израелските воени сили соопштија дека ќе продолжат со нападите врз објектите на терористите во Газа, како одговор на палестинскиот ракетен напад, пренесува Асошиејтед прес.
Откако утринава истече 72-часовното примирје, а преговорите во Каиро меѓу Израел и Хамас за ново пограничниот договор стигнаа до ќорсокак, палестинските борци во Газа лансираа најмалку 17 ракети врз Израел.
Во одговор израелската армија го обнови бомбардирањето и изврши воздушен напад врз фарма во јужниот дел на Газа.
Според непотврдени информации, израелскиот премиер Бенјамин Нетанјаху официјално пратил порака во која ја одзвал делегацијата од Египет, пред да издаде наредбата за обновување на воената операција во Газа, пренесе ИТАР-ТАСС.
Израелскиот воен портпарол потполковник Петер Лернер, новите палестински ракетни напади ги окарактеризира како „неприфатливи и кратковидни”.
-Поради одлуката Хамас да го прекине примирјето, тие ќе бидат казнети од израелските сили за одбрана. Ние ќе ги продолжиме ударите против инфраструктурата на Хамас и нејзините борци “, истакнал портпаролот.