Европската комисија во последниот извештај за напредок на Македонија кој излезе денеска е критичен во однос на процесот на децентрализација и распределбата на буџетските пари за општините. Комисијата забележува дека Владата мора да обезбеди пари и да го поддржи локалниот развој.
-Потреби се дополнителни напори за да се осигура транспарентна распределба на капиталните средства за општините и да се осигура дека тие ја имаат потребната финансиска стабилност за да ги носат обврските кои им се префрлени. Релевантните закони за регионален развој се уште не се целосно имплементирани. Буџетот за регионален развој е недоволен. Владата мора да обезбеди доволно ресурси за да заврши процесот на децентрализација и за да се поддржи локалниот развој, се вели во извештајот.
Владата често е мета на критики од експертската јавност во однос на несразмерната распределба на пари од централниот буџет. Главните забелешки се дека на сметка на инвестициите во Скопје, многу помалку пари одат за инвестици низ регионите.
Децентрализацијата е централен дел од Рамковниот договор, но една општина се уште не ја завршила втората фискалната децентрализација. Некои општини, како Центар, беа предмет на диспропорционален број на инспекции од страна на државните инспекторати. Отустуваше ефикасна истрага од страна на властите за нападите и вандализмот врз зградата на општина Центар, се вели понатаму во делот од извештајот кој се однесува на односите помеѓу централните и локалните власти.