Лидерот на партијата ГРОМ и градоначалник на општина Карпош Стевчо Јакимовски денеска соопшти дека поднесува кривична пријава против министерот за внатрешни Оливер Спасовски.
– Нивната кривична пријава беше донесена во очај, додека нас не не обзема никаков триумфализам, напротив, во една сталожена тридневна консултација со правни експерти одлучивме да поднесеме кривична пријава против министерот за Внатрешни работи, г-динот Оливер Спасовски, и тоа за сторени две кривични дела. Едното кривично дело е за злоупотреба на службената положба и овластување, а другото е сторено според законот за спречување на судир на интереси.
Злоупотребата со искористување на службените должности и овластувања е извршена затоа што во својство на службено лице се водел од лични и политички интереси во организирањето на протестот. Извршил злоупотреба со пречекорување на службените овластувања затоа што на ден 15.03. 2016 организирал приватна партиска забава или протест во кој што и самиот учествувал, вели Јакимовски.
Според Јакимовски, министерот Спасовски, ги пречекорил службените овластувања, направил штета на министерството кое го раководи и сторил кривично дело, со тоа што на протест на кој тој е организатор, и има политичка корист, тој ги употребил униформираните и неуниформираните лица на јавната безбедност од МВР, дел од управата за безбедност и контраразузнавање како и ги употребил единиците за специјални намени, и ги искористил материјалните средства хермелини, со сите овие пречекорувања извршил материјална штета од повеќе стотици илјади евра.
Кривичната пријава на Јакимовски доаѓа неколку дена откако МВР поднесе пријава против него за за сторено кривично дело „Спречување или смеќавање јавен собир“.
Како што појаснија од МВР Јакимовски уште едно лице организирале собир на граѓани пред платото на Уставниот суд, со цел да го попречат одржувањето на претходно најавениот мирен протест на платформата за граѓанската политика „АЈДЕ“со што направиле кривично дело .
Откако приврзаниците на Јакимовски поставија шатори пред Уставниот суд, полицијата на активистите од АЈДЕ не им дозволи да се приближат до судот за да не дојде до граѓански судир. По неколку часовен марш и одржани говори пред МНТ, активистите на АЈДЕ се разотидоја, додека контрадемонстрантите на Јакимовски во смени, ноќта ја поминаа пред Уставниот суд.