Славните братучеди од политичкиот живот, поранешниот премиер Никола Груески и поранешниот прв човек на тајната полиција Сашо Мијалков во Македонија и по падот на власта продолжуваат да бидат асоцирани со моќ и влијание во големи размери. Токму за нив, помеѓу другите, денеска шефицата на СЈО, Катица Јанева побара притвор.
Специјалното јавно обвинителство денеска и утре поднесува барања за притвор како дел од 17 обвиненија за 18 случаи против 94 физички и правни лица, соопшти пред малку специјалната обвинителка Катица Јанева.
Притвор се бара и за најмоќните во политичката партија ВМРО-ДПМНЕ: Сашо Мијалков и Никола Груевски. Но и други лица од политичкиот врв: Елизабета Канческа Милевска, поранешна министерка за култура и за Владимир Пешевски, поранешен вицепремиер за економски прашањата, поранешниот генерален секретар на владата Кирил Божиновски, поранешниот шеф на кабинет на Груевски- Мартин Протуѓер, како и за градоначалникот на Гази Баба Тони Трајковски.
Обвинети се 94 физички и 7 правни лица. Случаите „Таргет“ и „Тврдина“ се еден предмет, а случаите „Тврдина 2“, „Транспортер“ и Насилство во општина Центар веќе се во судска постапка.
Сите статистички податоци за новите обвиненија можете да ги преземете на овој линк.