Специјалната јавна обвинителка Катица Јанева кажа дека има информации дека многу брзо ќе се донесе новиот закон за јавното обвинителство. Таа не очекува да има драстични промени во законот во однос на статусот на СЈО.

-Такви се и препораките од меѓународната заедница, единствено отпор дава опозицијата која е засегната со овој закон,  кажа Јанева.

Таа исто така рече дека не може за иднината на СЈО да преговара лице против кое има истраги и тој да дава квалификации за работата на СЈО и за неа лично.

-Тука мислам на Антонио Милошоски кој многу се занесува во своите изјави, рече Јанева.

Таа рече дека СЈО во овој период додека траат преговорите нема да поднесува обвинение затоа што се уште на сила е и можноста Врховниот суд да ги стопира.

Јанева исто така дала налог и да се истражат „бомбите“ што ги објавува лицето со прекар Ел Чека. Дел од објавените разговори ги имало иСЈО, но вештачењето се уште трае.

На прашањето дали Јанева може да потврди дека прислушуваните разговори што ги објавува Ел Чека не излегле од СЈО, таа рече дека додека трае истрагата, не може ништо да тврди.