Специјалната јавна обвинителка Катица Јанева смета смета дека изборните нерегуларности создале нелегитимни претставници на институциите Претседател на државата, пратениците, како и Уставниот суд.
– Со самите истраги за овие лица кои се или биле на високи функции во РМ и со доказите со кои располагаме кои во 80 проценти го докажуваат обвнинението со кое имаме намера да настапиме сметаме дека самиот избор и на претседателот и на Уставен судија и на пратеници е доведен во прашање. Сите овие се нелегитимни институции и треба да го почитуваат Специјалното јавно обвинителство за да ја утврдиле вистината, одговори Јанева на новинарско прашање со кое се побара коментар на скорешната одлука на Уставниот суд којшто му ги врати ингеренциите на претседателот да помилува осудени за изборен криминал и тоа во светло на истрагата на СЈО „Титаник“ во којашто осомничени се и поранешни и актуелни високи функционери од владата на ВМРО ДПМНЕ.
Јанева и Зврлевски се конфронтираа по жешките прашања
Јанева, заедно со државниот јавен обвинител Марко Зврлевски и шефицата на Националната дирекција за борба против национална корупција на Романија, Лаура Кудрети-Ковеси, денеска се говорници на конференцијата насловена “Ефективна борба против корупцијата на високо ниво, прашање на личности или на системи?“ во огранизација на МЦМС – Македонски центар за меѓународна соработка.
Гостинката од Романија ги пренесе искуствата на тамошното специјално тело за борба против корупцијата. Зврлевски и Јанева имаа судир околу случајот “Телеком“ како и опструкциите за кои Јанева тврди дека и ги приредуваат правосудните органи. Јанева зборуваше за постапките кои во моментов се водат во СЈО, додека Зврлевски зборуваше за успесите на Одделението за организиран криминал и корупција алудирајќи на тоа дека веќе постојат инстутуции кои се борат со корупцијата. Тој се пофали со случаи стари повеќе од 10 години.
Целата прес-конфернција на којашто Јанева, Зврлевски и Ковеси одговараат на новинарски прашања погледнете ја во видеото.